Гадаад харилцааны яамнаас цаг үеийн асуудлаар мэдээлэл хийлээ.

Гадаад харилцааны сайд Б.Батцэцэг "Шинэ Засгийн газар байгуулагдаад залгамж халаагаа хадгалж ажиллана гэж Ерөнхий сайд хэлсэн. Төрийг байгууллагын үйлчилгээ ил тод, нээлттэй, шуурхай байх шаардлага тавьсан.

Энэ хүрээнд ГХЯ вэб сайтаа шинэчиллээ. Харааны бэрхшээлтэй иргэдэд зориулсан тусгай цэс, хилийн чанадад байгаа иргэдээ бүртгэх ингэснээр Консулын үйлчилгээг шуурхай авах боломж бүрдэнэ.

Хоёрдугаарт, хилийн чанадаас буцах хүсэлтээ илэрхийлсэн иргэдийн татан авалтыг нэмэгдүүлэх зорилгоор тусгаарлалтын хугацааг багасгах, тийзний үнийг бууруулах зэрэг тодорхой санал гаргаж, үр дүнтэй ажиллаж байна. Ингэснээр нислэгийн тоо 8-13 болж нэмэгдсэн. Ерөнхий сайдын өгсөн үүргийн дагуу гадаадаас ирсэн иргэд тусгаарлалтын өрөөгөө сонгох боломжтой болсон. Бид Казахстанд байгаа иргэдийн хүсэлтийг харгалзаж тусгай үүргийн нислэг үйлдэхээр болсон.

Иргэдийг агаарын замаар болон хилээр татан авна. Мөн хилийн чанадад нөхцөл байдал нь хүндэрсэн иргэдэд олон улсын байгууллагын дэмжлэгээр 941 иргэнд 3.4 тэрбумын тусламж үзүүлсэн. Мөн иргэдэд туслах санг шилэн болгож байгаа гэдгийг хэлье. Түүнчлэн манай улс Энэтхэг улсад үйлдвэрлэсэн Астразенека, Хятадаас Сеновак вакцин хүлээн авсан. Харин COVAX хөтөлбөрийн хүрээнд лрж ирэх вакцин ирэх гуравдугаард сард орж ирнэ гэж тооцож байна. Үүгээр 600 гаруй мянган иргэнээ дархлаажуулна" гэлээ.

Б.Лхам