Иргэний зориг ногоон намын дарга Ц.Ганхуягийг сонгуулийн үеэр намын хөрөнгийг шамшигдуулсан асуудлаар намаас хөөжээ. Улмаар намын дарга болон гишүүнчлэлээс хасуулахаар Улсын Дээд шүүхэд хандсан талаар бид мэдээлсэн билээ.

Тэгвэл Улсын Дээд шүүх өнөөдөр дээрх хүсэлтийг хэлэлцээд баримтууд нь Улс төрийн намын тухай хууль, Хуулийн этгээдийн улсын бүртгэлийн тухай хуулийн шаардлагыг хангаагүй байна гэж үзэж, бүртгэхээс татгалзаж шийдвэрлэжээ.