МАН-ын 100 жилийн ой өчигдөр сүржин болж өнгөрлөө. Урлаг соёлынхон бүгд шахуу нэг дор цуглаж, түүхэн ойн өдрөөр нь дуулж хуурдах шиг болов. Монголдоо томоохонд тооцогддог телевизүүдээс шууд дамжуулаагүй үлдсэн нь үгүй байх.

Урлаг соёлынхон ч яахав. Эдийн засаг хумигдсан, хэн хүнгүй халаас нь нимгэрсэн энэ үед хэдэн төгрөг нь хаа юм гэж бодсон байлгүй. Харин МАН ч аргагүй бяртай нь харагдаж байна лээ.

Энэ өдөр МАН-ын тодотголтой гишүүн бүр л бие биедээ мэндчилгээ дэвшүүлэв. Үүнээс хамгийн тэнэг гэмээр мэндчилгээ нь УИХ-ын гишүүн Д.Өнөрболорынх байлаа. Тодруулбал, тэрбээр “Ирэх зуунд хүчирхэг, үсрэнгүй хөгжилтэй, сайхан Монгол Улсаа хамтдаа хөгжүүлэхийн төлөө Монгол хүн бүр хичээн зүтгэцгээе, баярын мэнд дэвшүүлье” гэжээ. Уучлаарай гишүүн ээ, ирэх зуунд бид байх уу даа. Цаг хугацаа, орчин, үгийнхээ утгыг мэдэж ярина гэдэг их мэдрэмж юм шүү. Ташрамд, та “Хойд насандаа уулзъя гишүүн” хэмээх гуншинтай болж, цахим сүлжээнд “од” болсон байна лээ.

А.Сүх