Интерполоос хуурамч вакцин худалдан авахгүй байхыг уриаллаа. Тодруулбал, БНХАУ, Өмнөд Африкийн цагдаагийн байгууллага хамтран “KOVID-19”-ийн хуурамч вакцин үйлдвэрлэн борлуулдаг 100 гаруй хүнийг баривчилсан байна.
БНХАУ-д гэхэд л цагдаагийн алба хаагчид 80 гаруй этгээдийг хуурамч вакцин савлаж байхад үйлдэл дээр нь саатуулж, 3000 гаруй тун вакциныг хураан авчээ. Харин Өмнөд Африкийн Гаутенг хотод Хятад улсын гурав, Замби улсын нэг иргэнийг 2400 ширхэг хуурамч вакцин хадгалсан агуулахдаа байхад нь мөн саатуулсан аж.
Хуурамч вакцин савлан, зарж борлуулж буй мэдээлэл ирэх нь ихэссэн. Тиймээс иргэдийг хуурамч вакцин худалдан авч, эрүүл мэндээрээ хохирохгүй байхыг Интерполоос сэрэмжлүүлж байна.
