Улсын Онцгой комиссоос мэдээлэл хийж байна.
Улсын Онцгой комиссын дарга, Шадар сайд С.Амарсайхан "Монгол Улсын Засгийн газар, УОК-оос коронавирусний вакцинжуулалтыг хоёр үе шатаар явуулахаар төлөвлөсөн. Энэ дагуу халдварын голомт болоод буй Улаанбаатар хот дархлаажуулалтыг хоёрдугаар сарын 23-ны өдрөөс эхлүүлсэн. Эхний ээлжинд Улаанбаатар хотын иргэдийг 3-4 дүгээр сард багтаан дархлаажуулалтад хамруулна. Хоёрдугаарт, тав, зургаадугаар сар гэхэд ногоон бүс болох хөдөө орон нутгийн иргэдээ хамруулах юм. Ингээд долоодугаар сар гэхэд Монгол Улсын насанд хүрсэн нийт хүн амаа вакцинжуулалтад хамруулах төлөвлөгөө гарган ажиллаж байна.
Вакцинжуулалтад хамрагдсан хүмүүсийн 40 гаруй хувьд нь шинж тэмдэг илэрсэн. Энэ нь бусад вакцины дараа илэрдэг шинж тэмдэгтэй ижил бөгөөд сөрөг урвал гарахгүй байгаа учир өргөн цар хүрээтэйгээр дархлаажуулалтыг хийхээр төлөвлөж байна.
Ирэх долоо хоногт худалдаа үйлчилгээний салбарын 40 гаруй мянган хүн болон нийтийн тээврийн үйлчилгээний 7000 орчим жолооч, ажилчдыг хамруулна. Мөн дөрөвдүгээр сарын нэгний өдрөөс ЕБС-ын хичээлийг танхимаар явуулахаар төлөвлөж байгаа. Тиймээс энэ салбарынхан болох 45 мянган багш ажилчдыг хамруулна" гэлээ.
Б.Баатар
Сэтгэгдэл (5)