Хуурамч шатахууны худалдаа, нийлүүлэлт, шатахууны үнийн асуудлаар Шатахуун хэрэглэгчдийн холбооноос мэдээлэл хийлээ.
Монголын шатахуун хэрэглэгчдийн холбооны гүйцэтгэх захирал Б.Сайнбаяр “2012 онд Засгийн газрын тогтоолоор нефтийн нэмэлт бүтээгдэхүүний татварыг тэглэснээр улсад 200 тэрбум төгрөг төвлөрөх байсан нь төвлөрөөгүй. Хоёрдугаарт, дээрх тогтоолыг гаргаагүй бол жолооч болон уул уурхай, өрийн өмчит компаниуд нэг их наяд төгрөгөөр хохирохгүй байсан.
Тодорхой жишээ дурдвал, Багануурын уурхай 2020 онд “108 ойл” компанитай гэрээ байгуулсан байна.
Гэрээнээс маш олон зөрчил илэрсэн. Манай холбоон дээр гомдол нь ирсэн. Бид нар уг асуудлаар шалгаж, холбогдох байгууллагад нь өгнө. Мөн хуурамч шатахуун нь хадгалахад үйлдвэрийн горим, стандартын шаардлага байх ёстой. Энэ шаардлага биелээгүйгээс хоёр, гурав хоногийн өмнө Орхон аймагт байрлах “Петролеум” түлшний үйлдвэрийн агуулах шатлаа.
Хэрэв энэ үйлдвэр хүн ам ихээр суурьшсан газар байсан бол ямар их аюул болох байсан нь тодорхой. Тиймээс төр засаг агуулахуудад шалгалт хийж, нийтэд ил тод зарлаач. Ингэхдээ иргэдийн оролцоотой шалгаач. Өмнө нь шалгалт хийсэн шинжилгээний хариу ч байхгүй. Цаана нь ямар том эрх ашиг байгааг үүнээс харж болно" гэлээ.
А.Сүх
