Монгол Улсад үндэсний Сэтгүүл зүй үүсч хөгжсөний 108 жилийн ой өнөөдөр тохиож байна.

Тэртээ 1913 оны гуравдугаар сарын 6-нд “Шинэ толь хэмээх бичиг” сонин анхны дугаараа гаргасан нь Монголын хэвлэл мэдээллийн салбарын анхны суурь байсан юм.

Энэхүү сонины эрхлэгчээр их соён гэгээрүүлэгч Жамсрангийн Цэвээн ажиллаж байсан бөгөөд түүнийг Монголын сэтгүүл зүйн салбарыг үндэслэгч хэмээн түүхэн эх сурвалж үздэг юм. “Шинэ толь хэмээх бичиг” сонин 50 орчим хуудастай сэтгүүл хэлбэрээр 500 хувь хэвлэгдэж, төрийн байгууллагуудад тараагддаг байжээ. Харин цөөн хэдэн ширхэгийг нь иргэдэд худалдаалдаг байсан талаарх мэдээлэл түүхийн шаргал хуудаснаа мөнхрөн үлджээ.

Харин 1993 онд болсон сэтгүүлчдийн их хурлаар энэ өдрийг дэмжиж “Сэтгүүлчдийн өдөр” болгосон байна.

Нийт хэвлэл мэдээллийн байгууллагын хамт олон редакци, сэтгүүлч, ахмад буурлууддаа ойн баярын мэндийг хүргэе.

24tsag.mn