“Оном” сангийнхан нийслэлийн 411 мянган өрхөд шинжилгээ хийж, халдварын голомтыг хумихыг  удаа дараа шаардаж, сошиалаар нэг судалгаа баримт танилцуулан, өдөр шөнөгүй шууд бичлэг хийн, ихэд идэвхтэй байв. Эцэстээ  “Оном” санг үүсгэн байгуулагч Д.Наранбаатар “Нэг өрх-нэг иргэн” аргачлалаар бүх нийтээс шинжилгээ авах хүсэлтээ Ерөнхий сайдад хүргүүлсэн билээ.

Тэрбээр “Хавьтал тогтоох арга маш буруу сонголт . Нэг зүйлээ давтан хийгээд үр дүн хүлээгээд сууж болохгүй. Хавьтлаа сайн тодорхойлж чадахгүй байна, тусгаарлалтын явцад халдвар авч байна. Угтаж хариу арга хэмжээ авах хэрэгтэй байна. Нийслэлийн өрхөөс “Нэг өрх-Нэг иргэн” аргачлалаар шинжилгээ авахад долоо хоног л зарцуулна.

Бэлтгэлээ сайн хийвэл алдаа гарахгүй, шинжилгээ өгөх явцад хүмүүс халдвар авахгүй. Улаанбаатар хотын 411 мянган өрхөд шинжилгээ хийхэд бүх тоног төхөөрөмж, урвалж оношлуурыг оруулахад  23 тэрбум төгрөг шаардлагатай. “Оном” сангийн эрдэмтэд гар бие оролцож, хамтран ажиллах хүсэлтээ Засгийн тэргүүнд танд хүргүүллээ. Эрдэмтдийн багт цалин, мөнгө, гавьяа шагнал хэрэггүй. Бид монгол гэсэн нэг л эрх ашигтай учраас чаддаг зүйлээрээ, сурсан юмаараа туслахыг хүсч байна” гэж байв.

Шинэ Засгийн газар, Улсын онцгой комисс “Оном” сангийнхны хүсэлтийг хүлээн авч, эрдэмтдийнхээ үгийг нь сонсох нь зүйтэй хэмээсэн. Гэвч өнөөдөр байдал ямар байна вэ.

Засгийн газраас “Нэг хаалга-нэг иргэн” шинжилгээг Сар шинийн баяраа хориглон, 12 хоногийн хатуу хөл хорио тогтоон байж авсан. Гэвч нөгөө “Оном” сангийнхны судалгаа, тооцоо, аргачлал хаана байна вэ. Харин ч өчнөөн тэрбумын төгрөгийг  зүгээр л “салхинд” цацаж орхилоо. Дэлхий даяар байгаа монголч эрдэмдээс бүрдсэн “Оном” сангийнхны багийн үгийг сонссонгүй хэмээн өдөр шөнөгүй лайвдаж, шахаж шаардаж байсан Д.Наранбаатар зөвлөх хаачив.  Таны олон улсын судалгаа, шинжилгээн дээр үндэслэн тооцож гаргасан аргачлалыг Засгийн газар, УОК хэрэгжүүллээ. Хэрэв Засгийн газар “Оном” сангийнхны хүсэлтийг хүлээж авалгүйгээр өнөөдөр ийм байдалд хүрсэн бол  “Хэлээгүй юу. Эрдэмтдийнхээ үгийг үл тоосноос ” хэмээн ам асуух байсан биз ээ. Энэ бүхний хариуцлагыг хэн хүлээх вэ. Та бүхэн хариулт өгнө үү.

У.Тэргэл