“Х Түц” продакшн хошин урлагийн талбарт хүч үзэхээс татгалзаж, дэлгэцийн томоохон уран бүтээл рүү орохоор болсноо зарлалаа. Тус продакшны гүйцэтгэх захирал, отгон гавьяат  С.Онон энэ тухай  “Чимгээ шоу”-нд оролцох үеэрээ дуулгалаа. Тиймдээ ч сүүлийн хэдэн жил тус продакшныхан тайзан дээр гарсангүй. Цаашид ч гарахгүй гэлээ. Хэдийгээр дотроо санагалзаж байгаа ч  одоо болсон. Продакшны хувьд дэлгэцийн томоохон уран бүтээлд хүч үзэх, “барьж авах” цаг нь болсон хэмээн үзэж, үүсгэн байгуулагч Н.Онон, И.Одончимэг  нар ярилцан, дээрх шийдвэрийг гаргажээ. Хамгийн сүүлд тэд “Танхай тээгч”, “Солиот эх” зэрэг дэлгэцийн  даацтай уран бүтээл гаргаж, үзэгчдийн талархлыг хүлээгээд байгаа билээ.

У.Тэргэл