Монгол Улсын Ерөнхий сайд Л.Оюун-Эрдэнэ өнөөдөр буюу Эмэгтэйчүүдийн эрхийг хамгаалах өдөр ШШГЕГ-ын харьяа цагдан хорих 401 дүгээр ангид очиж, ялтан Т.Чимгээтэй уулзана гэдгээ хэлсэн. Тэрбээр Засгийн газрын ээлжит бус хуралдааны дараа тус хорих ангид очих аж.
С.Зориг агсны амийг хэрцгийгээр хөнөөсөн хэрэгтээ ял сонсоод буй Т.Чимгээгийн судсаар хар тамхи тарьж, мансууруулж улмаар нүцгэн зураг, бичлэгийг нь нөхөрт нь явуулсан байж болзошгүй байдал илэрсэн гэх ноцтой мэдээллийг Ерөнхий сайд хэлсэн юм. Өмнө нь ч түүнтэй холбоотой бичлэгийг цацаж байсан. ТЕГ-ын дарга асан Б.Хурц, Улсын ерөнхий прокурорын орлогч асан Г.Эрдэнэбат нарыг С.Зориг агсны хэргийн холбогдогчдыг дарамталж, эрүү шүүлт тулгасан хэрэгт буруутган шүүсэн ч удалгүй хэргийг нь хэрэгсэхгүй болгосон билээ. Ямартай ч, уг явдлыг Хүний эрхийн үндэсний комисс анхааралдаа авсан талаараа мэдээлсэн. Харин энэ удаад Ерөнхий сайд өөрийн биеэр хорих ангид очин нөхцөл байдалтай танилцсанаар ямар нэгэн шийдвэр гаргах нь тодорхой.
У.Тэргэл
Сэтгэгдэл (3)