С.Зориг агсны амь насыг хөнөөсөн байж болзошгүй хэргээр Т.Чимэгээ, Б.Содномдаржаа нарыг холбогдуулан шалгаж буй. Өнөөдөр Ерөнихий сайд Л.Оюун-Эрдэнэ, ХЗДХ-ийн сайд Х.Нямбаатар нар Т.Чимэгээтэй уулзлаа.

Энэ үеэр Т.Чимэгээ олон нийтэд мэдээлэл өглөө. "Тэрбээр 2015 оны наймдугаар сарын 31-нд Төв аймгийн цагдан хориход хоригдсон. Тэнд гурван сарын хугацаанд ариун цэврийн хэрэгсэл байхгүй, усанд орж болохгүй, хоол ундны асуудал хүнд, дотроо өтгөн шингэнээ гаргадаг хүнд нөхцөлд байсан.

Агааржуулагч байхгүй ийм газар есөн сар хорьсон.

Дараа нь хорих 407 дугаар анги руу 2017 оны тавдугаар сард шилжсэн. Нөхцөл байдал дээрдээгүй. Дарамт шахалтад долоон сар хоригдсон. Одоо 401 дүгээр ангид хоригдож байна. Энд орчин нөхцөл өөрчлөгдөж, эмнэлэгт хэвтэн эмчлүүлж байгаа. Миний амьдралын таван жилийг эрүүл мэнд, сэтгэл санаа, үр хүүхдээр минь хохироолоо. Тарчлаан зовоож, тамлаж, хар дарсан зүүд шиг таван жил болж байна. Намайг хилсээр хоригдоод нэг жил болоход миний том хүүхэд автомашины осолд орсон гэж амь насаа алдсан. Энэ хэргийг дахин шалгуулах хүсэлтэй байгаа" гэлээ.

А.Сүх