Улсын Их Хурлаас Монгол Улсын Шүүхийн тухай хуулийг шинэчлэн баталж 2021 оны 03 дугаар сарын 01-ний өдрөөс эхлэн дагаж мөрдөж байна.
Шинэчлэн баталсан хуулиар Шүүхийн ерөнхий зөвлөлийн 5 гишүүн, Шүүхийн сахилгын хорооны 5 гишүүнийг Улсын Их Хурлаас нээлттэйгээр нэр дэвшүүлж, сонгон шалгаруулсны үндсэн дээр томилгооны сонсгол хийж томилохоор заасан тул эдгээр албан тушаалд тавих шаардлага хангасан иргэнийг нэрээ дэвшүүлэхийг урьж байна.
Шүүхийн ерөнхий зөвлөлийн, эсхүл Шүүхийн сахилгын хорооны шүүгч бус гишүүнд тавих шаардлага хангасан иргэд холбогдох баримт бичгийг бүрдүүлж, 2021 оны 03 дугаар сарын 31-ний өдрийн 17:30 цаг хүртэл хугацаанд ажлын цагаар биечлэн, эсвэл шуудангийн илгээмжээр, түүнчлэн цахим шуудангаар /PDF болон Word форматаар тус тус/ ирүүлнэ үү.
Нэр дэвшихийг сонирхсон хүмүүс www.parliament.mn цахим хуудасны http://parliament.mn/n/wcion хаягаар орж, нэр дэвшигчдэд тавигдах шаардлага, бүрдүүлэх бичиг баримттай танилцана уу?
Лавлах утасны дугаар (ажлын цагаар): 51-267155, 51-262727
Баримт бичиг цаасаар хүлээн авах хаяг:
Төрийн ордон, Хууль зүйн байнгын хороо, 327 тоот
Баримт бичиг файлаар хүлээн авах цахим шуудангийн хаяг: Galsanbatb@parliament.mn
Монгол Улсын Их Хурлын Хууль зүйн байнгын хороо
2021.03.10