БАРИМТ 1

Та өөрийн харилцдаг аль ч арилжааны банканд хандаж зээл авах хүсэлтээ гаргах боломжтой.

БАРИМТ 2

Арилжааны банкууд одоогоор хүсэлтийг хүлээн авч, шаардлагатай зээлийн материалыг бүрдүүлж эхлээд байна.

БАРИМТ 3

Нэг зээлдэгч буюу аж ахуйн нэгж, түүний хамаарал бүхий этгээдэд олгох зээлийн хэмжээ 500 сая төгрөг хүртэл байна.

БАРИМТ 4

Зээлийн хугацаа 3 жил хүртэл, зээлийн жилийн хүү 3 хувь, эргэн төлөлтийн график сар бүр тогтмол дүнгээр эргэн төлөх нөхцөлтэй.

БАРИМТ 5

Зээлийн зориулалт нь Зээлдэгч ажлын байраа хадгалах, бизнесийн үйл ажиллагаагаа хэвийн, тогтвортой явуулахад шаардагдах эргэлтийн хөрөнгийг бүрдүүлэх юм.

БАРИМТ 6

Цаашлаад банкнаас  ижил зориулалтаар авсан зээлийг дахин санхүүжүүлэх юм.

БАРИМТ 7

Жижиг дунд үйлдвэрлэл, үйлчилгээг дэмжих тухай хуулийн 4.1.1-д заасан буюу 200 хүртэл ажилтантай, жилийн 2.5 тэрбум төгрөг хүртэл борлуулалтын орлоготой байх шалгуур тавьсан.

БАРИМТ 8

Жижиг, дунд үйлдвэрлэл, үйлчилгээ эрхлэгч аж ахуйн нэгжийн барьцаа хөрөнгийн дутагдалтай хэсэг (үндсэн зээлийн 60 хүртэл хувь буюу 300 сая төгрөг хүртэл)-т батлан даалт гаргана.

БАРИМТ 9

Жижиг дунд үйлдвэрлэл, үйлчилгээг дэмжих тухай хуулийн 4.1.1-д заасан буюу 200 хүртэл ажилтантай, жилийн 2.5 тэрбум төгрөг хүртэл борлуулалтын орлоготой байх шаардлагыг хангасан бол заавал тодорхойлолт шаардахгүй.

БАРИМТ 10

Зээлийн батлан даалтын санд хамрагдаагүй зээлдэгчийн хувьд салбар харгалзахгүй олгох боломжтой.

БАРИМТ 11

Өөрөөр хэлбэл, тухайн зээлдэгч буюу аж ахуйн нэгж банкны барьцаа хөрөнгийн шаардлага болон бусад зээлийн шаардлагыг хангасан бол зээлд хамрагдах боломжтой.

БАРИМТ 12

Таны зээлийн эргэн төлөлтийн нийт төлбөр сар бүр тогтмол дүнгээр төлөгдөх бөгөөд 12 сар эсвэл зээлийн нийт хугацааны гуравны нэгээс хэтрэхгүй хугацаагаар үндсэн төлбөрөөс чөлөөлөгдөх боломжтой.

БАРИМТ 13

Та банктайгаа харилцан ярилцаж, зээлийн эргэн төлөлтийн графикт энэ талаар тусгуулах боломжтой.

БАРИМТ 14

Тус зээлийн хувьд 2021 оны арванхоёрдугаар сарын 31-ний өдрийг дуустал хугацаанд арилжааны банкуудаар дамжуулан олгоно.

БАРИМТ 15

“Хамаарал бүхий этгээд” гэж тухайн аж ахуйн нэгжийн хувьцааны 50 ба түүнээс дээш хувийг эзэмшдэг хувь хүн, хуулийн этгээдийг ойлгоно.

БАРИМТ 16

Нэмэгдсэн өртгийн албан татвар суутган төлөгчөөр бүртгүүлсэн, эсвэл нэмэгдсэн өртгийн албан татвараас чөлөөлөгдсөн байх,

БАРИМТ 17

Банкнаас зээлийн үйл ажиллагааны журам, зааврын хүрээнд энэ гэрээг хэрэгжүүлэхтэй нийцэж тавигдсан бусад шаардлагыг хангасан байх:

БАРИМТ 18

Энэ заалтын а-д заасан шаардлагыг хангаж байгаа эсэхийг Татварын ерөнхий газар, Нийгмийн даатгалын ерөнхий газрын лавлагаагаар тодорхойлно.

БАРИМТ 19

Дахин санхүүжилтийн зээлд хамрагдаж болно.

БАРИМТ 20

Гэхдээ таны энэ зээл Зээлийн батлан даалтын санд хамрагдах боломжгүй. Учир нь, Зээлийн батлан даалтын сангийн 3 хувийн зээлд гаргаж буй батлан даалт зөвхөн шинээр олгож буй зээлүүдэд хамаарна.

БАРИМТ 21

Зээлдэгч зээлийн төлбөр (зээлийн үндсэн төлбөр, эсвэл хүүгийн төлбөр)-ийг 90 болон түүнээс дээш хоногоор хэтрүүлсэн, бусдад дамжуулан зээлдүүлсэн,

БАРИМТ 22

Зориулалтын бусаар ашигласан бол зээлийн хүүгийн дэмжлэгийг цуцална. 

БАРИМТ 23

Цаашлаад хүүгPийн дэмжлэггүй бизнесийн зээлд шилжүүлэхийг анхааруулж байна.

БАРИМТ 24

Монголбанк арилжааны банкуудын удирдлагуудтай санамж бичигт гарын үсэг зурсан ба гэрээнд гарын үсэг зурснаар баталгаажих юм байна.

Монгол Улсын Засгийн газраас "Эрүүл мэндээ хамгаалж, эдийн засгаа сэргээх 10 их наяд төгрөгийн цогц төлөвлөгөө"-г баталсан. Энэ арга хэмжээний хүрээнд ажлын байрыг дэмжих хоёр их наяд төгрөгийн зээлийг арилжааны банкаар дамжуулан жилийн гурван хувийн хүүтэй, гурван жилийн хугацаатай, эхний 12 сар хүртэл үндсэн төлбөрөөс чөлөөлөх нөхцөлтэйгөөр олгох юм. Тус зээлд хамрагдах аж ахуйн нэгж барьцаа хөрөнгө хүрэлцээгүй тохиолдолд Зээлийн батлан даалтын сангаар 60 хүртэлх хувийг батлан даалгах боломжтой зэрэг олон давуу талтай. Жижиг, дунд үйлдвэрлэл эрхлэгчид энэхүү зээлийг авч, бизнесээ хөл дээр босгохын тулд банкуудад хандаж эхлээд буй. Гэвч ямар шалгуур хангасан байх ёстой, өмнөх авсан зээлийнхээ хүүг гурван хувь руу шилжүүлж болно гэсэн. Энэ нь ямар журмаар вэ, хэвийн зээлтэй байж болох уу зэрэг олон асуултад хариулт нэхэж байна. Тиймээс Монголбанкнаас иргэдийн түгээмэл асуултад хариуллаа. Үүнийг 24 баримтаар хүргэе.