Хан-Уул  дүүргийн  прокурорын газраас шүүхээс мансууруулах эм, сэтгэцэд нөлөөт бодис хэрэглэх эрх хязгаарлах албадлагын арга хэмжээ авч үүрэг хүлээлгэсэн этгээдээс  шүүхээс  тогтоосон  хязгаарлалтыг  зөрчсөн эсэхийг  гэнэтийн байдлаар  шалгах ажиллагааг  Нийслэлийн  шүүхийн  шийдвэр  гүйцэтгэх газартай хамтран хоёр удаа  хэсэгчлэн  зохион байгуулсан байна. 

Мансууруулах, сэтгэцэд нөлөөт бодис хэрэглэхийг хориглох хязгаарлалт тогтоосон 14, Эрүүгийн хуулийн тусгай ангийн  20.7 дугаар зүйлийн 1 дэх хэсэгт заасан гэмт хэргийг үйлдэж хязгаарлалт тогтоогоогүй 8, энэ төрлийн гэмт хэрэг үйлдэж хорих ялаас хугацааны өмнө  суллагдсан 1, дээрх төрлийн гэмт хэрэгт хорих ялаар  шийтгүүлж  уг шүүхийн  шийтгэх тогтоол биелүүлэхийг хойшлуулсан 1, нийт 23 хүн тус дүүргийн прокурорын газрын хяналтад байгаа бөгөөд эдгээр хүмүүсээс тест авч шалгажээ.

Шалгалтаар 1 иргэнээс мансууруулах төрлийн бодис илэрсэн тул гаргасан зөрчлийг шалгуулахаар  тус дүүргийн цагдаагийн газарт шилжүүлсэн байна.