“Херо интертэйнмэнт”-ийн найруулагч Б.Баатарыг тагнаж, гүйцэтгэх ажиллагаа явуулсан гэх асуудлаар Тагнуулын ерөнхий газраас мэдээлэл өглөө.

Энэ талаар ТЕГ-ын ОНХА-ны дарга Т.Баярхүү “Найруулагч Б.Баатарын гаргасан гомдлын дагуу шалгах ажиллагаа явагдаж байна. Мөрдөн шалгах ажиллаганы явцад алдагдсан гэх бичлэгийг гүйцэтгэх ажиллагааны дагуу олж авсан байж магадгүй нөхцөл байдал урьдчилсан байдлаар тогтоогдоод байна. Уг хэрэгт холбогдуулж хэд хэдэн хүмүүсийг дуудаж шалгаж байна.

ТЕГ-ын дарга асан Б.Хурцыг дуудсан. Одоогоор ирж мэдүүлэг өгөөгүй байна.

Гэмт хэрэг үйлдсэн эсэхийг шүүх эцэслэн шийдвэрлэнэ. Хэрэг шалгах ажиллагаа явагдаж байгаа учраас дэлгэрэнгүй мэдээлэл өгөх боломжгүй байна. Б.Хурцыг хоёр удаа дуудсан. Дахин ирэхгүй тохиолдолд дараагийн арга хэмжээ авна" гэлээ. 

Б.Лхам