УИХ-ын Хууль зүйн байнгын хорооны өнөөдрийн хуралдаанаар Ж.Эрдэнэбулганыг Цэцийн гишүүнээр томилох асуудлыг хэлэлцэн гишүүдийн олонх дэмжлээ. Ингэснээр УИХ-ын нэгдсэн чуулганы энэ долоо хоногийн хуралдаанаар Ж.Эрдэнэбулганыг Цэцийн гишүүнээр томилохоор болж байна.  Үндсэн хуулийн Цэцийн гишүүнд 18 хуульч нэрээ дэвшүүлсэн ч тэдгээрээс гурав нь нэрээ татаж, хоёрыг нь нэр дэвшигчээр бүртгэхээс татгалзсан юм. Тиймээс тунаж үлдсэн 13 хүн дээр санал хураалт явуулснаас ийнхүү Ж.Эрдэнэбулган хамгийн олон санал аваад буй юм.

Ж.Эрдэнэбулган гэж хэн бэ?

Жуужаа овогтой Эрдэнэбулган нь эрх зүйч, хуульч мэргэжилтэй. Дундговь аймгийн шүүхээс ажлын гараагаа эхлүүлж, МУИС-д олон жил багшаар ажилласан, хуулийн салбартаа мэргэшсэн нэгэн юм.  Тэрбээр МУИС-ийн Хууль зүйн сургуулийн захирал, Хууль зүйн ухааны доктор (Ph.D), профессор. Цаашлаад,

-1996 оноос  Монголын Өмгөөлөгчдийн Холбооны гишүүн, өмгөөлөгч

-2013 оноос    Монголын Хуульчдын Холбооны удирдах зөвлөлийн гишүүн,

-2013-2015 он Монголын Хуульчдын Холбооны  Хуульчийн мэргэжлийн шалгалтын асуудал хариуцсан хорооны дарга, гишүүн,

-2013-2014 он  МУИС-ийн Эрдмийн зөвлөлийн гишүүн,

-2015-2018 он   Нотариатчийн мэргэшлийн хорооны гишүүн.

-2017 оноос   Шинжлэх Ухааны Академийн Бага чуулганы гишүүн,

-2017 оноос  Хууль зүйн докторын ажил хамгаалуулах зөвлөлийн нарийн бичгийн даргаар тус тус ажиллаж иржээ.

У.Тэргэл