АТГ-ын Мөрдөн шалгах хэлтсээс Шүүхийн ерөнхий зөвлөлийн дарга Э.Батбаярын нэр дээр 06/3309 дугаар бүхий албан бичиг хүргүүлжээ. Уг бичигт,

Эрүүгийн 190200800 дугаартай хэргийг хянан шийдвэрлэхэд шаардлагатай Чингэлтэй дүүргийн Эрүүгийн хэргийн анхан шатны шүүхийн шүүгч Ё.Цогтзандан, Г.Буяннэмэх, Б.Халиун нарыг шүүгчээр томилсон зарлиг, төрийн албан хаагчийн хувийн хэрэг, зан байдлын тодорхойлолтыг Эрүүгийн хэрэг хянан шийдвэрлэх тухай хуулийн 16.6 дугаар зүйлийн нэг дэх хэсэгт заасан шаардлагын дагуу хуулбар хувь үнэн болохыг баталгаажуулж, ирүүлэхийг хүссэн байна.

АТГ-ын Мөрдөн шалгах хэлтсээс мөн өдөр Шүүхийн ерөнхий зөвлөлийн дарга Э.Батбаярт 06/3310 дугаартай Мэдээлэл баримт бичиг гаргуулах тухай албан бичгийг хүргүүлсэн байна. Үүнд, УЕПГ-ын 2021 оны гуравдугаар сарын 16-ны өдрийн 4/145 дугаар тогтоолоор Эрүүгийн хуулийн 12.6 дугаар зүйлийн нэгдэх хэсэгт зааснаар хэрэг бүртгэлтийн хэрэг нээсэн 210600546 тоот хэргийн мөрдөн байцаалт явуулах харьяаллыг тус хэлтэст тогтоон ирүүлсэн” гээд хавсралтаар хүргүүлж буй шүүгч, шүүхийн захиргааны байгууллагын ажилтан нарыг дуудсан цагт саадгүй хүрэлцэн ирэх бололцоогоор хангах,

-Шүүгчээр болон дэвшүүлэн томилсон зарлиг

-Төрийн албан хаагчийн хувийн хэрэг

-Зан байдлын тодорхойлолт

-Шүүгч нарын шийдвэрлэсэн хэргийн дэлгэрэнгүй мэдээлэл

-Шүүхийн захиргааны байгууллагын ажилтан нарын ажилд томилсон, чөлөөлсөн тушаалууд

-Төрийн албан хаагчийн анкет

-Ажлын байрны тодорхойололт зэрэг баримт бичгийг гаргаж, ирүүлэхийг хүсчээ.

У.Тэргэл