Улсын Дээд шүүх Тагнуулын ерөнхий газрын дарга асан Б.Хурц, Улсын ерөнхий прокурорын орлогч асан Г.Эрдэнэбат, ШШГЕГ-ын ажилтнуудын гээд нийт есөн хүний гомдлыг өнөөдөр хянан хэлэлцэх товтой. Энэ дагуу 09.00 цагт хуралдаан эхэлсэн ба өдгөө үргэлжилж байгаа юм.

Б.Хурц нарт холбогдох хэргийг   Төв аймаг дахь эрүүгийн хэргийн анхан шатны шүүхэд өнгөрсөн оны долоодугаар сарын 22-нд хэлэлцэн шүүгдэгч Ж.Мөнхгал, С.Баяр, Б.Хурц, Г.Эрдэнэбат нарт гурав, О.Бямбажав, Ү.Отгонбаяр нарт хоёр, Э.Өлзийбаярт нэг жилийн хорих ял оноож, О.Бархасбадь, С.Эрдэнэбат нарыг цагаатгах шийдвэр гаргасан юм. Энэхүү шийдвэрийг шүүгдэгчид эсэргүүцэн давж заалдах шатны шүүхэд хандсан ба уг хуралдаанаар хэргийг анхан шатны шүүхэд буцаасан юм. Харин Улсын дээд шүүхийн өнөөдрийн хуралдаанаар  Б.Хурц, Г.Эрдэнэбат болон бусад хүн эрүүдэн шүүх ажиллагааг зохион байгуулсан эсэх хэргийг хэлэлцэн, эцэслэх шийдвэрлэх учиртай.

Саяхнаас олны анхааралд эргэн ороод байгаа уг хэргийг нууцаас гаргуулах асуудлыг хөндөөд байгаа ба энэ тохиолдолд хэргийн учиг тайлагдана гэдгийг олон хуульч хэлж байгаа юм.

У.Тэргэл