2021 оны 3 дугаар сарын 27-ны өдөр 59 настай эрэгтэй “Т” хамтран амьдрагчийнхаа гэрээс гараад сураггүй алга болсон талаар түүний ар гэрээс “С” Сүхбаатар дүүрэг дэх цагдаагийн газрын 1 дүгээр хэлтэст мэдээлсэн.

Энэ дагуу цагдаагийн хэлтсээс шалгалтын ажиллагааг явуулахад сураггүй алга болсон “Т”-г Сонгинохайрхан дүүргийн 11 дүгээр хорооны нутаг дэвсгэрт жалганаас нас барсан байдалтай байхыг олж тогтоосон.

Тус хэрэгт Эрүүгийн цагдаагийн алба, Сүхбаатар дүүрэг дэх цагдаагийн газрын нэгдүгээр хэлтсийн алба хаагчид шалгалтын ажиллагааг явуулхад 1962 онд төрсөн, эрэгтэй, амь хохирогч “Т”-г хувиараа такси үйлчилгээнд явдаг Сонгинохайрхан дүүрэгт оршин суух хаягтай, 23 настай эрэгтэй “Д” дээрэмдэх явцдаа амь насыг нь хохироосон байж болзошгүй болохыг алба хаагчид урьдчилсан байдлаар тогтоон ”Д”-г цагдан хорих таслан сэргийлэх арга хэмжээ авч мөрдөн шалгах ажиллагаа Сүхбаатар дүүргийн цагдаагийн нэгдүгээр хэлтэс үргэлжилж байна. Сэжигтэн “Д” нь урьд өмнө буюу 2019, 2020 онуудад ял шийтгэл эдэлж байжээ.