УИХ-ын чуулганы өнөөдрийн хуралдаан эхэллээ. Хуралдааны эхэнд Б.Пүрэвдорж хэлэлцэх асуудлын дарааллын талаар үг хэллээ.

Б.Пүрэвдорж: Миний тавьсан хуурамч шатахуунтай холбоотой хуулийг хэлэлцэж, нэг талд нь гаргаж өгөөч. Хүмүүс орлогогүй, амьдрал хүнд байна. Энэ үед нь унаж яваа машиныг нь хуурамч шатахуунаар эвдээд байвал төр засагтаа манай ард түмэн гомдоно шүү дээ. Энэ асудлаар сард 2-3 удаа шахаад байхад намайг тоохгүй юм. Ямар гээчийн төр вэ. Иргэдэд учрах хохирол хэчнээн их наяд, тэрбумаар яригдах бол.

Хоёрдугаарт, хүмүүсийн орлого багасса энэ үед НӨАТ-ыг бууруулах асуудал чухал байна.

Халамжийн бодлого явуулсан ч цөөн хэдэн хүмүүст хүрдэг, хорооны Засаг даргын үзэмжээр шийдэгддэг. Ийм асуудал бий. Болохгүй бол өндөр, тансаг хэрэглээний бараа бүтээгдэхүүний НӨАТ-ыг 5 хувь болгоод бусад өргөн хэрэглээний бараа бүтээгдэхүүний НӨАТ-ыг 5 хувь болгооч. Хэлэлцүүлгийн явцад янз бүрийн хувилбараар ярьж болно шүү дээ.

Б.Лхам