ЭМЯ-ны Эмнэлгийн тусламжийн бодлогын хэрэгжилтийг зохицуулах газрын дарга Б.Буянтогтох мэдээлэл өглөө.

Тэрбээр “Эмч нарын ачаалал өндөр байна. Тухайлбал, 30 хөнгөн өвчтөнд нэг баг орж үйлчилгээ үзүүлдэг бол 3 хүнд өвчтөнд мөн баг ажиллах шаардлагатай болдог. Хүндэрсний өвчтөний тоо нэмэгдэхийн хирээр эмнэлгийн байгууллагын ачаалал 5-10 дахин нэмэгдэж байна. Тиймээс тархалтыг бууруулахын тулд хөл хорио тогтоохоос өөр аргагүй байна.

Тархалтын тоо өсөхийн хирээр хүнд, хүндэвтэр өвчтөний тоо нэмэгдэж байна.

Эмнэлгийн ажилчид үнэхээр туйлдаж байна. Хамгийн гол нь халдвар авахгүй байх бололцоо байна. Иргэд өөрсдөө ухамсартай байх шаардлагатай байна. Зүрх судасны өвчтэй, артерын даралт ихэсдэг, таргалалттай, бөөрний өвчтэй зэрэг архаг хууч өвчтэй хүмүүс эрсдэлт бүлэгт орж байна. Коронавирусээр өвчилбөл хүндээр өвдөж байна. Та бүхэн өвдөхгүй байх нь эрүүл мэндийн ажилчдад том тус болно" гэлээ. 

А.Сүх