АН-ын даргын сунгаанд гишүүдийн олонхийн саналыг авч ялалт байгуулсан О.Цогтгэрэлийг АН-ын даргад бүртгүүлэхээр материалаа Улсын Дээд шүүхэд хүргүүллээ.

АН-ын Дотоод сонгуулийн хороон дарга И.Мөнхжаргал “Гуравдугаар сарын 28-нд болсон АН-ын даргын сунгаагаар О.Цогтгэрэлд саналаа өгсөн намын 70 мянга гаруй хүний гарын үсэгтэй бичиг болон холбогдох материалуудыг шүүхэд хүргүүллээ.

Улсын Дээд шүүх хуулийн дагуу бүртгэж авна гэдэгт итгэлтэй байна.

Улсын Дээд шүүхээс 14 хоногийн дотор дээрх асуудлыг хэлэлцэж бидэнд хариу ирүүлнэ. Удахгүй Ерөнхийлөгчийн сонгууль болно. Парламентад суудалтай намууд тэгш оролцох ёстой ч эрх баригч нам биднийг оролцуулахгүй байхаар бүх аргыг хэрэглэж байгаад харамсаж байна. Хэрэв Дээд шүүх О.Цогтгэрэлийг бүртгэхгүй бол дараа дараагийн арга хэмжээгээ авна” гэлээ.

А.Сүх