Засгийн газраас гаргасан шийдвэрийн талаар Ерөнхий сайд Л.Оюун-Эрдэнэ мэдээлэл хийж байна.

Тэрбээр “Цар тахлыг даван туулах цорын ганц зүйл бол вакуинжуулалт юм. Энэ утгаар Засгийн газар дөрөв болон тавдугаар сарыг дархлаажуулалтын сар болгож зарласан. Вакцинжуулалтад зайлшгүй хамрагдах шаардлагатай нийт иргэдийн 26 орчим хувийг дархлаажуулаад байна.

Засгийн газар долдугаар сарын 1 гэхэд зорилтот бүлгээ дархлаажуулж дуусгах зорилт тавьсан.

Үүнтэй холбогдуулан дөрөвдүгээр сарын 10-25-ны хооронд хөл хорио тогтоохоор боллоо. Энэ хөл хорио сүүлийнх байгаасай. Дөрөвдүгээр сарын хоёр дахь долоо хоногоос эхлэн хоёхр дахь тунгийн ачаалал эрүүлмэндийн салбарт ирэхээр болж байна. Вакцинаа үе шаттай татахгүй бол болохгүй нь. Өнөөдөр дэлхийд вакцинжуулалтад хамрагдах зайлшгүй шаардлагатай хүмүүсийн дөнгөж 4.6 хувь нь хамрагдаад байна. Дэлхийд дархлаажуулалтаараа Израил, Чили улсууд байна. Эдгээр улсууд халдвар хамгааллын дэглэмээ ягштал хийсэн улс юм. 

Бид өмнө нь эдийн засгаа нээсэн. Халдвар хамгааллын дэглэмээ сайн барьсан хүмүүс байна. Бариагүй хүмүүс ч байна. Цар тахал гэдэг зүйл уялдаа холбоон дээр оршин тогтнож байна. Хөдөлгөөн ихсэх тусам эдйн засаг идэвхжинэ. Мөн тохиолдол нэмэгдэнэ.

Ийм л нөхцөл байдал дунд бид орсон. Үүнээс гарах ганц зам нь вакцинжуулалт. 

Азид цар тахлын дөрөв давалгаа эхэлж байгаа талаар БНСУ-ын Засгийн газар мэдээлсэн. Энэ давалгаанд аль болох бага цохигдох ёстой. Урин дулаан цаг эхэлж байгаатай холбогдуулан иргэдийн сэрэмж суларч байга асуудал байна. Хөл хорио тогтоосноор тохиолдлын тоо багасна. Гэхдээ вакцинжуулалтыг идэвхжүүлэхгүй бол тодорхой хугацааны буцаад л нэмэгдэнэ. Тиймээс энэ удаагийн хөл хорио зөв цагтаа тавьсан гэж үзэж байна. Эхний вакцинд хамрагдсан иргэдээ өвчлүүлэхгүй байх нь энэ хөл хорионы туйлын зорилго юм” гэлээ.

Б.Лхам