УОК, Эрүүл мэндийн яамны саналын дагуу Засгийн газар өнөөдөр хуралдаж, ирэх бямба гарагаас эхлэн 15 хоногийн хатуу хөл хорио тогтоохоор боллоо. Долдугааар сарын 1 гэхэд Монгол Улс зорилтот бүлгээ вакцинжуулахаар төлөвлөсөн.

Тэгвэл хөл хорио тогтоосон хугацаанд Засгийн газраас 3.3 сая иргэнд 300 мянган төгрөгийн дэмжлэг үзүүлэхээр боллоо. Дэмжлэг болох 300 мянган төгрөгийг өнөөдрөөс олгож эхэлнэ.

Энэ талаар Ерөнхий сайд Л.Оюун-Эрдэнэ "2021 оны хоёрдугаар сарын 25-нд төрийн санд 229.7 тэрбум төгрөг төвлөрсөн. Энэ нь Оюутолгойгоос татварт төвлөрүүлэх ёстой байсан мөнгө гэсэн үг. Гуравдугаар сарын 4-нд 419.1 тэрбум, 30-нд 365.5 тэрбум төгрөг буюу нийт 1 их наяд 26.5 тэрбум төгрөг Төрийн санд төвлөрсөн.

Засгийн газраас баялагтаа эзэн байх зорилтыг дэвшүүлж байгаагийн хувьд болон вакцинжуулалтаа үр дүнд хүргэж, эдийн засгаа тогтвортой нээхийн тулд, иргэдээ хөл хорионы хугацаанд сөхрөөхгүйн тулд уг эх үүсвэрээ иргэн бүрдээ зориулахаар болсон" гэлээ. 

А.Сүх