Засгийн газраас мэдээлэл хийж, хатуу хөл хорио тогтоох болсноо зарлалаа. Харин хатуу хөл хорионы 15 хоногт бүх нийтийг вакцинжуулах тухай ярьж буй. Энэ талаар Эрүүл мэндийн сайд С.Энхболд “Вакцины эхний тунгаа хийлгүүлсэн 736 хүн халдвар авсан.

Эдгээрийн 80 гаруй хувь нь эхний 14 хоногтоо халдвар авсан байсан. Иргэд давтан тунгаа хийлгэхдээ анх ямар вакцин тариулсан түүнийгээ л хийлгэнэ. Давтан тунг хийх хоорондын зай янз бүр байгаа. Астразенека вакцины хоёрдахь тунг хийх хугацаа арай болоогүй. Харин Веросил вакцины давтан тунг удахгүй хийж эхэлнэ. Иргэд гэрийнхээ ойролцоо байх цэгт очиж, вакцинаа хийлгүүлнэ” гэлээ.

У.Тэргэл