Таван ханатай гэр шатсаны улмаас 50 настай эмэгтэй амиа алдаж, 6 хүн түлэгдсэн талаар ОБЕГ-аас мэдээллээ.
Хэргийг тодруулбал, Нийслэлийн Сонгинохайрхан дүүргийн 11 дүгээр хороонд гэр шатаж байна гэсэн дуудлагыг 04.19-ний өдрийн 12:41 цагт өгсөн байна.
Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 5.5 км замыг туулан 12:50 цагт очиж иргэн М-ийн 5 ханатай гэр шатаж байсныг 20 минут ажиллаж унтраажээ. Гал түймэрт иргэн М /50 настай, эмэгтэй/ амь насаа алдаж,
- иргэн М /55 настай, эрэгтэй/,
- М /55 настай, эмэгтэй/,
- Б /33 настай, эмэгтэй/,
- О /45 настай, эрэгтэй/,
- М /49 настай, эмэгтэй/,
- Г /44 настай, эмэгтэй/ түлэгдэж, бэртжээ. Галын улмаас түлэгдэж, гэмтсэн иргэдийг НТТТ-ийн 103-ийн эмчид хүлээлгэн өгсөн байна.
