НӨАТ-ын 2021 оны нэгдүгээр улирлын буцаан олголтын урамшуулал өнөөдөр буюу 2021 оны дөрөвдүгээр сарын 21-ний өдөр иргэдийн дансанд орно хэмээн Сангийн сайд Б.Жавхлан өөрийн цахим хуудсаар мэдэгдлээ. Энэ оны нэгдүгээр улиралд нийт 1,023,235 иргэнд 40.6 тэрбум төгрөгийн буцаан олгох юм байна. Өнгөрсөн оноос НӨАТ-ын буцаан олголтыг улирал тутамд олгохоор болсон билээ. Тодруулбал, 

• Нэгдүгээр улирлын буцаан олголтыг дөрөвдүгээр сард,
• Хоёрдугаар улирлын буцаан олголтыг долоодугаар сард, 
• Гуравдугаар улирлын буцаан олголтыг аравдугаар сард, Дөрөвдүгээр улирлын буцаан олголтыг дараа оных нь нэгдүгээр сард олгодог журамтай билээ. Энэ дагуу нэгдүгээр улирлын буцаан олголтыг өнөөдрөөс иргэдийн дансанд шилжүүлж эхлэх аж.

У.Тэргэл