Гадаадад  байгаа монгол иргэд 2021 оны дөрөвдүгээр сарын 20-ноос 2021 оны тавдугаар сарын 09-нийг дуустал хугацаанд өөрийн байгаа улсад суугаа Дипломат төлөөлөгчийн газарт Ерөнхийлөгчийн сонгуульд оролцохоо мэдэгдэж, бүртгүүлнэ. Энэ талаар Сонгуулийн Ерөнхий Хорооноос "Дипломат төлөөлөгчийн газруудын мэдээллийг https://www.consul.mn/index.php?moduls=2 холбоосоор авна. Улсын бүртгэлийн ерөнхий газрын https://election.burtgel.gov.mn сайтаас мэдээллээ шалгах юм байна.

Гадаадад байгаа саналаа өгөхөөр бүртгүүлсэн сонгогчдын нэрсийг Монгол Улсад бүртгэгдсэн сонгогчдын нэрийн жагсаалтаас хасалт хийж, улсын бүртгэлийн цахим мэдээллийн санд үндэслэн нягтлан шалгаж холбогдох өөрчлөлтийг хийнэ.

Гадаад улсад байгаа сонгогчдын нэрийн жагсаалтыг 2021 оны тавдугаар сарын 25-ны өдрөөс өмнө салбар комисс өөрийн байранд ил тавьж, цахим хуудсанд байршуулан сонгогчдод өөрийн мэдээлэлтэйгээ чөлөөтэй танилцах бололцоогоор хангах аж.