Коронавирусний цар тахлын улмаас Монгол Улсад өнөөдрийн байдлаар 56 иргэн нас бараад байна. Гурван сая гаруй хүн амтай манай улсад энэ бол өндөр тоо юм. Тиймдээ ч хүн амынхаа тоотой харьцуулбал, өвчлөл, нас баралтаараа Азидаа дээгүүрт орж эхэлсэн харамсалтай мэдээ байна.
Ахмад, идэр, дунд гээд насны ангилалгүйгээр халдварт энэ өвчин тусч, богино хугацаанд хүндэрч, уушги нь өөрөөрөө амьсгалж чадахгүй болж байгааг эмч нар сануулсаар байгаа. Манай улсад өнөөдрийн байдлаар, уушги орлуулах ЭСМО аппарат хоёр байгаа бол энэ сарын сүүлчээр дахин нэгийг оруулж ирэх бөгөөд амьсгалын 1500 гаруй аппарат бий.
Гэвч нөхцөл байдал хүндэрвэл эдгээр аппарат хаанаа ч хүрэлцэхгүй болохвий гэсэн болгоомжлол байна.
Дэлхий нийтийг хамарсан цар тахлыг даван туулахын тулд төр засаг, цаашлаад монгол хүн бүр дор бүрдээ хичээж байгаа. Аюулын энэ үед монголчууд бид нэгэндээ сэтгэлийн дэм өгч, хэн нэгнээ буруутгахдаа бус эвлэлдэн нэгдэх шаардлагатай байна. Тэгээд ч төрт засагтай улс байна, цар тахлаар нас барсан 56 иргэнийхээ халуун амины төлөө ар гэрт нь хэзээ эмгэнэл илэрхийлж, уучлалт хүсэх вэ.
У.Тэргэл
Сэтгэгдэл (11)