Говь-Алтай аймгийн Алтай суман дахь Хилийн цэргийн 0214 дүгээр ангийн хоёр цэрэг харуулын даргаа буудан амийг нь хөнөөгөөд, оргон зугтсан ноцтой явдал болсон билээ.
Тухайн аймгийн цагдаа, тагнуул, хилийн байгууллагууд хамтран эрлийн ажиллагааг явуулснаар хоёр цэргийг ар гэрийнхнийх нь тусламжтайгаар осол, гэмтэлгүй баривчилж чадсан билээ.
Цэргүүд дарамт шахалтыг тэсч чадаагүйгээс ийм хэрэг хийчихлээ хэмээн мэдүүлсэн бол ЗХЖШ-аас энэ ангид үнэхээр тийм зүйл үгүй. Харуулын дарга нь гэхэд л яруу найраг сонирхдог, цэргүүдэд шүлэг уншиж өгдөг эерэг нэгэн байсан тухай мэдээлж байв. Энэ бүхний үнэн мөнийг хуулийн байгууллагынхан шалгаж, тогтооно биз ээ.
Харин ЗХЖШ-аас Хилийн цэргийн 0214 дүгээр ангийн дарга, хурандаа Н.Батсайханыг үүрэгт ажлаас нь чөлөөлж, түүний оронд хурандаа В.Батжаргалыг томилсон байна.
У.Тэргэл
Сэтгэгдэл (5)