УИХ-ын өнөөдрийн чуулганаар Үндсэн хуулийн цэцийн 2021 оны 02 дугаар дүгнэлтийг хэлэлцэж байна. Энэ үеэр гишүүд асуулт асууж үг хэллээ.
М.Оюунчимэг: УИХ хуль тогтоох дээд байгууллага. Тиймээс хүн биш хуулийн засаглалыг шүтэж, энэ дагуу ажиллаж амьдрах ёстой. Сүүлийн үед Цэц, шүүх, Жанжин штаб зэрэг хамгийн хараат бус байх байгууллагууд улс төрийн маргаанд оролцож байгаад харамсаж байна. Энэ байж болохгүй асуудал учраас УИХ анхаарах ёстой.
Жишээлбэл, Үндсэн хуулийн цэцийн маргаан хянан шийдвэрлэх ажиллагаанд өөрчлөлт оруулах шаардлага байна гэж харж байна.
Хоёрдугаарт, Ц.Туваан гишүүн ээ, таныг лобби бүлэг бий болгох 50 мянган ам.долларын гэрээ хийсэн гэдэг талаар гаднын хэвлэлүүд ингэж худлаа мэдээлэл цацаж байна гэдэг ноцтой асуудал. Сая та 50 мянган ам.долларын байтугай 5 ам.долларын ч гэрээ байгуулаагүй гэж байна.
Үүнийг УИХ-ын гишүүн, АН-ын даргын үүрэг гүйцэтгэгч хүний хувьд хариуцлагатай мэдэгдэл гэж харж байна.
Гэтэл олон улсын хэвлэлээр ийм мэдээлэл гаргаж байгаа нь Монгол Улсын улс төрийн намын дотоод хэрэгт оролцож байгаагаас гадна Ерөнхийлөгчийн сонгуульд нөлөөлөх гэж оролдож байна. Цаашлаад Монгол Улсын бие даасан байдалд нөлөөлнө. Ц.Туваан гишүүний хэлсэн үгэнд итгэж байна.
А.Сүх
Сэтгэгдэл (1)