Манай улсын хоёр иргэн БНХАУ-ын иргэнийг нууцаар хил давуулсан хэрэг гарчээ. Тодруулбал, дөрөвдүгээр сарын 10-11-нд шилжих шөнө Өмнөговь аймаг дахь хилийн 0166 дугаар ангийн хариуцсан ... дугаар тэмдэгтээр 2-3 хүн БНХАУ руу нууцар явсан мөр байхыг хилчид 11-ний өглөө илрүүлсэн байна.

Одоогоор монгол иргэдийг барьсан байгаа бөгөөд хэрэг бүртгэлийн хэрэг нээн шалгаж байгаа аж. Уг хэрэгтэй холбоотойгоор Өмнөговь аймаг дахь хилийн 0166 дугаар ангийн захирагч, хурандаа Б.Мөнхбатыг ажлаас нь чөлөөлсөн гэдгийг эх сурвалж мэдээллээ.

Улсын хилээр БНХАУ-ын хил нэвтрүүлсэн асуудлыг Тагнуулын байгууллага шалгаж байна. 

Р.Алтан