Хөл хорионы дэглэм зөрчих, эсэргүүцэх тохиолдол нэлээдгүй гарч байгаа талаар цагдаагийн байгууллагаас анхааруулж байна.

Хамгийн сүүлд гэхэд л, Баянгол дүүргийн оршин суугч хөл хорионы дэглэм зөрчиж, цагдаагийн алба хаагчийн тавьсан шаардлагыг эсэргүүцсэн үйлдэлд нь  Зөрчлийн тухай хуулийн 15.2-д заасны дагуу 250 мянган төгрөгөөр торгосон юм.

Хамгийн ихээр гарч буй зөрчил бол, зөвшөөрсөн байгууллагын ажилтнууд QR код бүхий зөвшөөрлийг зориулалтын бусаар ашиглаж, замын хөдөлгөөнд оролцох явдал аж. Өнөөдрийн байдлаар 499 автомашины QR кодыг цуцалсан байна. Энэхүү зөрчлийг ердөө 9 хоногийн дотор бүртгэжээ.

У.Тэргэл