Оюутолгой төслийг гадаадын хөрөнгө оруулагч талтай хийх хэлэлцээрийн талаар ХЗДХ-ийн сайд, ажлын хэсгийн ахлагч Х.Нямбаатар танилцууллаа.

Тэрбээр “Бид УИХ-ын 2019 оны 92 дугар тогтоолын хэрэгжилтийг хангах үүрэг бүхий ажлын дэд хэсэг Оюутолгой төслийн хөрөнгө оруулагч Рио-Тинтогийн төлөөлөлтэй дөрөв удаа цахим хурал хийсэн.

Ажлынхэсгийн явцыг өнгөрсөн дөрөвдүгээр сарын 1-нд чуулганы хуралдаанаар танилцуулсан. Уулзалтыг дахин товлосон боловч ковид-19 цар тахлын улмаас хойшлуулаад байгаа. Оюутолгой төслийн хөрөнгө оруулагч талтай олон улсын Арбитрын шүүхэд маргаж буй мэдээлэл, МХЕГ-ын улсын ахлах байцаагчийн 2017 оны тавдугаар сарын 15-ны өдрийн албан шаардлага, татварын улсын байцаагчийн 2018 оны нэгдүгээр сарын 10-ны өдрийн тоот шийтгэлийн хуудастай холбогдуулан олон улсын Арбитрын шүүх шийдвэр гаргасан.

Улмаар Ерөнхий сайд Засгийн газрын байр суурийг хамгаалах чиглэл бүхий ажлын хэсгийг шинэчлээд байна” гэлээ.

А.Сүх