Монгол Улсын Ерөнхийлөгчийн Сонгуулийн тухай хуулийн 33.4-т заасны дагуу УИХ-д суудалтай намуудын нэр дэвшигчид тавдугаар сарын 2-ний өдөр Үндэсний аудитын газарт мөрийн хөтөлбөрөө хүргүүлсэн билээ.  Үндэсний аудитын газар МАН-аас нэг, АН-аас хоёр, ХҮН-аас нэг гээд нийт дөрвөн нэр дэвшигчийн мөрийн хөтөлбөрийг хүлээн авч, аудит хийжээ.

Ерөнхийлөгчийн сонгуулийн тухай хуулийн 33.6-д нэр дэвшигчийн мөрийн хөтөлбөр хуульд заасан шаардлагад нийцээгүй тохиолдолд нэг удаа засах боломж олгоно хэмээн заасан байдаг. Энэ дагуу нэр дэвшигчдийн мөрийн хөтөлбөрийг холбогдох хууль тогтоомжид нийцүүлэн засварлуулахаар буцаан хүргүүлсэн байна.

Нэр дэвшигчдээс хуулийн шаардлагад нийцүүлэн ирүүлсэн мөрийн хөтөлбөрийг Үндэсний аудитын газар дахин хянаад, тавдугаар сарын 5-ны буюу өнөөдрийн дотор Сонгуулийн ерөнхий хороонд хүргүүлэх учиртай юм. Харин Сонгуулийн ерөнхий хороо нэр дэвшигчдийг материалыг хүлээн аваад бүртгэх эсэхээ тавдугаар сарын 6-8-ны өдрүүдэд эцэслэн шийдвэрлэх юм.

У.Тэргэл