Монгол Ардын нам Ерөнхийлөгчийн сонгуульд нэр дэвшигчийнхээ материалыг Сонгуулийн ерөнхий хороонд хүлээлгэн өглөө. Энэ үеэр МАН-ын ерөнхий нарийн бичгийн дарга Д. Амарбаясгалан "Сонгуулийн ерөнхий хороо хуулийн дагуу ажиллана гэдэгт итгэлтэй байна. МАН хуулийн дагуу 2021 оны Ерөнхийлөгчийн сонгуульд нэр дэвшигчээ нийт гишүүдийнхээ саналаар тодруулж, Ерөнхий сайд асан У.Хүрэлсүхийг нэр дэвшүүлэхээр болсон. Үндэсний аудитын газар МАН-ын Ерөнхийлөгчийн сонгуулийн мөрийн хөтөлбөрт 17 зүйл заалтад өөрчлөлт оруулахыг зөвлөсөн. Энэ дугаа бид засвар хийгээд буцааж хүргүүлсэн байгаа. МАН Сонгуулийн ерөнхий хорооны ажилд хүндэтгэлтэй хандах болно. Нэр дэвшигчийнхээ материалыг хүлээлгэн өглөө" гэлээ.  

СЕХ-ны дарга П.Дэлгэрнаран "Хуульд заасны дагуу нэр дэвшигчийн материалыг нягтлан шалгаж, хүлээлцэх ёстой учир ажлын хэсэг бүрдүүлэлтийг хянаж авна. Ингээд ажлын хэсэг шалгаж дууссаны дараа гарын үсэг зурж баталгаажуулсны дараа яг хүлээж авсанд тооцох болно" гэдгийг онцлов. 

Б.Баатар