Ардчилсан нам Ерөнхийлөгчийн сонгуульд нэр дэвшигчийнхээ материалыг хүлээлгэн өгөх гэсэн боловч СЕХ хүлээж авахаас татгалзав. Энэ үеэр СЕХ-ны дарга П.Дэлгэрнаран "Үндсэн хууль болон Ерөнхийлөгчийн сонгуулийн тухай хуулийн дагуу нэг нэр дэвшигч тодруулах ёстой. Тиймээс Ардчилсан нам нэг нэр дэвшигч тодруулах ёстой учир дотооддоо асуудлаа шийдэх хэрэгтэй байна. Тиймээс Ардчилсан намаас нэр дэвшигчийн материалыг хүлээж авахыг хойшлуулж байна" гэсэн.  

УИХ дахь АН-ын бүлгийн дарга Д.Ганбат "Би УИХ дахь Ардчилсан намын бүлгийн дарга, Ардчилсан намын албан ёсны эрх бүхий хүн АН-ын УИХ-ын бүлгийн гишүүн хүрэлцэн ирсэн байна. Бид ард түмний элч нар байна. СЕХ есөн хүний бүрэлдэхүүнтэй. Дөнгөж орж ирээд асуудал ярьж байхад хэдэн гишүүд нь гараад явчихлаа. Бүхэл бүтэн нам бүртгүүлэх гээд орж ирж байхад та нар ажлаа хийгээд сууж байх ёстой. Материалыг хоёуланг нь хүлээж аваад нягтал. Түүнээс өмнө танай нам хоёр болсон гэх мэт зүйл ярихаа боль. Нэг нам, нэг хүний дарангуйлал руу энэ улс орныг аваачихгүйн тулд СЕХ гэж байдаг. Түүнээс урьдчилж бэлдсэн зүйл яриад жүжиг тоглож болохгүй

1989 оноос хойш жинхэнэ ёсоор олон сонгуулийг амжилттай сайн хийж ирсэн. Энэ сонгуулийг та бүхэн амжилттай хийгээд ард түмний өмнө тайлангаа тавих ёстой. УИХ-ын арван гишүүн таны ярихыг зөндөө сонслоо. Та нар ажлыг ингэж хийж болохгүй. Сонгуулийн ерөнхий хороо ажлаа зөв хий. Цагаан дээр хараар бичсэн хуулиа хэрэгжүүлэхийг бид хянах үүрэгтэй. МАН хэдийгээр 65-уулаа ч гэсэн сонгуулиар дөчхөн хувийн санал авсан. Материал хүлээж аваад, нягтлах нь зүйтэй" гэлээ. 

Б.Баатар