Засгийн газрын хуралдаанаас гарсан шийдвэрийн талаар танилцуулж байна.

Энэ үеэр Шадар сайд С.Амарсайхан: “Вакцин хэдийгээр сайн дурынх гэлээ бусдын эрх ашиг гэж байна. Бид цар тахлыг даван гарах ганц гарц бол вакцинжуулалт юм. Цаашдаа энэ цар тахал хэр удаан үргэлжлэх нь тодорхойгүй байна. Энэ үед эрсдэлийг бууруулах цорын ганц шийдэл бол вакцин. Дээр нь халдвар хамгаалалт.

Тиймээс вакцинжуулалтад яаралтай хамрагдах шаардлагатай байна. Нас барж, хүндэрч байгаа иргэдийнхээ тоог бууруулах нь нэн тэргүүнд байна. Саяын 14 хоногт хөл хорио тогтоосноор халдварын тоог 1000 гаруйгаар барьж чадсан.  Тэгээгүй бол халдварын тоо өдөрт 2500-3000-д хүрэх байсан. Мөн Засгийн газрын хуралдаанаас бүх нийтийн бэлэн байдлын төвшинг бууруулахаар ярилцсан. УОК үдээс хойш Засгийн газраас гарсан шийдвэрийн талаар тусад нь танилцуулна.

Ямар салбарынхан үйл ажиллагаагаа эхлүүлж, ямрыг нь хязгаарлах вэ гэдэгт тодорхой мэдээлэл өгнө. Цаашлаад хил нээхийг ирэх зургаадугаар эцэст хүртэл хойшлуулахаар шийдвэрлэсэн гэлээ.

У.Тэргэл