УИХ дахь АН-ын бүлгийн таван гишүүн Төв талбай дээр өлсгөлөн зарлаад өнөөдөртөө долоо хонож байна. Өнгөрсөн хугацаанд Монгол Улсын Ерөнхийлөгч Х.Баттулга, УИХ-ын дарга Г.Занданшатар, Хууль зүй, дотоод хэргийн сайд Х.Нямбаатар болон албаны бусад хүн өлсгөлөн зарлаж буй гишүүдтэй очиж уулзан, зөвшилцлийн аргаар асуудлыг шийдье гэх санал, хүсэлтийг тавьж байсан.

УИХ-ын дарга бүр “Та нар өлсгөлөнгөө зогсоохгүй бол би ирж хамт өлсгөлөн зарлая” хэмээсэн.

Хаврын хавсаргатай энэ өдрүүдэд гадаа хасах хэм байгаа. Тиймээс Сүхбаатар дүүргийн Эрүүл мэндийн төвийн эмч нар байнга үзлэг хийж, ХЭҮК ч шаардлагатай бүхий зүйлсээр хангахыг шаардсан.

Харин МАН, АН-ын бүлгийн гишүүд зөвшилцлийн ажлын хэсэг байгуулж, өнөөдөр анхны хуралдаанаа хийлээ. Асуудлыг хуулийн хүрээнд шийдвэрлэснээр долоо хоног үргэлжилсэн өлсгөлөн удахгүй зогсох биз ээ.

У.Тэргэл