УИХ дахь АН-ын бүлгийн гишүүд мэдээлэл хийлээ.

Н.Ганибал “Өнөөдөр АН-ын 13 гишүүн Монгол Улсын хууль тогтоомж, хуулийн хэрэгжилт бүхий л асуудал дээр Их Хурлын гишүүнийхээ бүрэн эрхийг хэрэгжүүлэх чухал асуудал байсан. Манай улс парламентын засаглалтай. Парламент дээр хууль тогтоомжийн биелэлт Засгийн газрын үйл ажиллагаа хуулийн дагуу явж байна уу гэдгийг хянах эрхтэй. Харамсалтай нь өнгөрсөн цаг хугацаанд гарсан олон шийдвэрүүд хууль зөрчсөн, мөн Засгийн газар, МАН-ын удирдлага, түүний дарга Ерөнхийлөгчид нэр дэвшихтэй холбоотойгоор гаргаж байгаа шийдвэрүүд Цэц болон Үндсэн хууль, шүүх засаглалынхаа дээр гарсан асуудлыг цэгцэлж цэг тавихын төлөө АН-ын гишүүд тэмцэж байна.

Нэмж хэлэхэд, УИХ-ын даргын захирамжаар АН, МАН-ын гишүүдээс бүрдсэн ажлын хэсэг бүрдсэн.

АН-ын бүлгээс Ж.Батсуурь, Ц.Туваан, Н.Ганибал, харин МАН-аас Ц.Мөнхцэцэг, Ц.Мөнх-Оргил, Ц.Сандаг-Очир нараас бүрдсэн ажлын хэсэг улс төрийн өнөөгийн нөхцөл байдал, түүнтэй холбоотой гарч байгаа хууль тогтоомжийн биелэлтийг хянаж дүгнэлт гаргах юм. Өнөөдөр ажлын хэсгийн анхны хурал боллоо.

Улс төрийн өлсгөлөн Улаанбаатар хотоос гадна Орхон аймагт болж байгаа юм байна. Харамсалтай нь, тус аймгийн Цагдаагийн байгууллага, Засаг даргын Тамгын газраас зогсоох гэсэн, тэмцэл хийж байгаа хүмүүсийн эрхийг зөрчсөн үйлдлүүд гарч байгаа юм байна. Тэнд хүний эрхийг зөрчсөн олон үйлдлүүд гарч байгаа юм байна. Мэдээж Их Хурлын гишүүдийг унтах дэвсгэргүйгээр шалан дээр хэвтүүлж чадаж байгаа дарангуйлал тэнд байгаа жирийн иргэдэд улам хүнд тусаж байгаа гэж санаа зовж байна” гэлээ.

Б.Лхам