УИХ дахь АН-ын бүлгийн гишүүд Төв талбайд өлсгөлөн зарлаад байгаа билээ. Тэд тавдугаар сарын 10-нд УИХ-ын дарга Г.Занданшатарт ажлын хэсэг байгуулах тухай санал гаргасан байна. Үүндээ, УИХ дахь АН-ын бүлгийн гишүүд 2021 оны тавдугаар сарын 5-ны өдрөөс эхлэн улс төрийн өлсгөлөн зарлаад зургаа дахь өдрөө Чингис хааны талбайд үргэлжилж байна.
Иймд үүсээд байгаа улс төрийн нөхцөл байдалтай холбогдуулан УИХ дахь намын бүлгийн төлөөллийг оролцуулан маргаан бүхий асуудлыг нягтлах, холбогдох хууль тогтоомжийн биелэлтийг шалгаж, санал дүгнэлт боловсруулах үүрэг бүхий ажлын хэсгийг нэн даруй байгуулах саналыг хүргүүлж байна” гэжээ.

Энэ дагуу нэг өдрийн дараа буюу тавдугаар сарын 11-ны өдөр УИХ-ын дарга Г.Занданшатар доорх бүрэлдэхүүнтэйгээр ажлын хэсэг байгуулан ажиллах захирамж гаргалаа. Сийрүүлбэл,

УИХ дахь Монгол Ардын Нам болон Ардчилсан намын бүлгүүдээс албан бичгээр ирүүлсэн санал, улс төрийн зөвшилцөлд үндэслэн Монгол Улсын Их хурлын тухай хуулийн 14 дүгээр зүйлийн 14.1.1 дэх заалт, 14.2 дахь хэсгийг үндэслэн Захирамжлах нь,

1.Улс төрийн нөхцөл байдалтай холбогдуулан УИХ-аас баталсан холбогдох хууль тогтоомжийн биелэлтийг шалгах санал, дүгнэлт боловсруулах үүрэг бүхий ажлын хэсгийг дараах бүрэлдэхүүнтэйгээр байгуулсугай.

Ажлын хэсгийн ахлагч Ц.Мөнх-Оргил          УИХ-ын гишүүн

Ажлын хэсгийн дэд ахлагч Н.Ганибал         УИХ-ын гишүүн

Гишүүд:

Ж.Батсуурь                           УИХ-ын гишүүн

Ц.Мөнхцэцэг                         УИХ-ын гишүүн

Ц.Сандаг-Очир                     УИХ-ын гишүүн

Ц.Туваан                               УИХ-ын гишүүн

2. Ажлын хэсэг мэргэжил, арга зүйн туслалцаа үзүүлэх чиглэлээр холбогдох байгууллагаас мэргэжлийн хүмүүсийг оролцуулж, ажиллуулахыг Ажлын хэсгийн ахлагч Ц.Мөнх-Оргилд даалгасугай  гэжээ.

У.Тэргэл