УИХ-ын өнөөдрийн чуулганаар Нийгмийн даатгалын тухай хуульд өөрчлөлт оруулах тухай хуулийн төслийг хэлэлцэж байна.

Х.Булгантуяа: Өчигдөр клабхаус дээр НДШ-ийн талаар 400 зарим гишүүдийн хамт иргэдтэйгээ хэлэлцүүлэг хийсэн. Иргэдийн зүгээс Нийгмийн даатгалын үндэсний зөвлөл гэж хаалттай байгууллага байдаг. Ямар шийдвэр гаргасан нь ч мэдэгддэггүй. Хариуцлагагүй шийдвэр гаргасных нь үр дүнд хохирол хүлээсэн.

Нийгмийн даатгал төлснөөр ямар давуу үүсэх нь тодорхойгүй. 20 гаруй насныхан өнөөдөр НДШ төлөөд хожим өнөөдрийн тэтгэвэр авч байгаа хүмүүс шиг амьдарна гэвэл хэцүү харагдаад байна. Нийгмийн даатгал төлөөд баялгийн сангаас ч юм уу ямар үр шим хүртэх юм гэдгээ өнөөдрийг хүртэл уясан зүйл байхгүй. Тиймээс иргэд бухимдаад байгаа юм. Цаашид баялгийн сантайгаа уяад ямар өөрчлөлт шинэчлэлт орох юм бэ.

ХНХ-ын сайд А.Ариунзаяа: Өчигдөр хэлэлцүүлэгт оролцсон. Бид реформын бодлогоо танилцуулсан. Олон давхаргат тогтолцоонд шилжин хуримтлалын нэгдсэн сан болон байгалийн нэгдсэн санд тусдаа ажлын хэсэг ажиллаад тэтгэврийн тогтолцоондоо байгалийн баялгаас үр шим хүртээх, НДС-ийн чөлөөлт үлдэгдлийн санхүүжилт, хөрөнгө оруулалтыг сайжруулахад анхаарах ёстой. Нөгөө талаар хөрөнгийн зах зээлээ сайн хөгжүүлж байж илүү үр өгөөжтэй хөрөнгө оруулалт хийх ёстой.

Нийгмийн даатгалын хуулиар Нийгмийн даатгалын чөлөөт сангийн үлдэгдлийг хөрөнгө оруулалтаар арвижуулах гурван хэлбэр байдаг.

Үүнд, арилжааны банкуудад байршуулах, үнэт цаас, бонд худалдаж авах зэрэг боломж байдаг.

Өнөөдрийн нөхцөлд арилжааны банкинд байршуулах нь хүүгийн өгөөжөөрөө илүү найдвартай байдаг. Тиймээс өдийг хүртэл нэг л удаа үнэт цаас худалдаж авч бусад үед нь арилжааны банкинд байршуулж байсан. Капитал банкны хувьд найдвартай банкиндаа ордог байсан. Одоо асудал шүүхийн процессын шатанд явж байгаа. Иргэдийнхээ өмчийг эргүүлж авахын тулд ажиллана. 

А.Сүх