Эрүүл мэндийн яам коронавирусний талаарх ээлжит мэдээллээ хийж байна. 

Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 24 цагийн хугацаанд буюу 2021 оны тавдугаар сарын 12-ны өдөр 585 хүнээс халдвар илэрлээ. Эдгээрийн 478 тохиолдол нь Улаанбаатар хотод бүртгэгдсэн бол нэг тохиолдол нь зөөвөрлөгдөн ирсэн тохиолдол байна.  Ингээд Монгол Улсад нийт батлагдсан тохилолдол 47033 боллоо. 

Харин 106 тохиолдол нь орон нутагт бүртгэгдлээ. Тодруулбал, Дархан 2, Орхон 8,  Төв 33, Сэлэнгэ 5, Завхан 32, Увс 1, Ховд 1, Говь-Алтай 8, Өвөрхангай 9, Дорноговь 3, Сүхбаатар 4 тохиолдол бүртгэгдсэн байна. 

Нэг харамсалтай мэдээ дуулгахад өнгөрсөн 24 цагт есөн хүн нас барлаа. Коронавирусний шалтгаант нас баралт 193 боллоо. 

1548 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 37281  боллоо. 

Одоогоор 4525 хүн эмнэлэгт хэвтэн эмчлүүлж байгаагаас биеийн байдал, маш хүнд-116, хүнд-514, хүндэвтэр-1451, хөнгөн-2444 хүн байна. 

Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар