Коронавирусний халдвараар өвчлөгсдийн тоо хэдийгээр буурч байгаа ч эсрэгээрээ нас баралт нэмэгдэж буй нь эрсдэл дагуулж байгаа юм. Өвчлөгсдийн тоо буурч байна хэмээн тайвширч ер болохгүй гэдгийг ЭМЯ-наас өдөр бүр сануулж байгаа.

Харин эсрэгээрээ нас барах хүний тоо өссөөр байгаа нь аюул, эрсдэл ойрхон байгааг сануулсаар байгаа юм. Тодруулбал, сүүлийн хэдэн өдөрт нас барах хүний тоо 10 руу дөхөж, өнөөдрийн байдлаар нийт 193 хүн нас барж, маш хүнд 116 өвчтөн байна. Энэхүү маш хүнд гэсэн оноштой өвчтөний дийлэнхийн амь нас эрсдэлтэй нөхцөлд байна гэсэн үг юм.

Монгол Улс 3,3 сая хүн амтай. Хүн амынхаа тоонд харьцуулбал, 193 нас баралт гэдэг өндөр тоо юм.  Тиймээс амны хаалтаа байнга зүүж, хүн хоорондын зайгаа барьж, эрсдэлээс өөрийгөө болон гэр бүлийнхнээ хамгаалах нь чухал болоод байна. Хэдийгээр вакцинжуулалтыг идэвхжүүлж байгаа ч эрсдэл, аюул алсраагүйг өдөрт нас барж буй хүний тооноос харж болно.

У.Тэргэл