УИХ-ын өнөөдрийн чуулганаар Нийгмийн даатгалын тухай хуульд өөрчлөлт оруулах тухай хуулийн төслийг хэлэлцэж байна.
Энэ үеэр УИХ-ын гишүүн Н.Алтанхуяг “Хуулийн төслийг дэмжиж байгаа. Гэхдээ та нар үнэн юм яриач. Зөв яриач. Хүмүүст хоёр хувиар бууруулж байна гэж ойлгогдоно. Бууруулсан юм байхгүй. Таван хувиар нэмэх гэж яваад гурван хувиа нэмчихсэн. Хоёр хувиа нэмэх гэсэн чинь ковид-оос болоод болъё гэж байгаа. Тиймээс бууруулсан юм байхгүй.
Хоёрдугаарт, овоо их хүү өгчихдөг юм гээд банкинд мөнгөө өгчихөөд алдагдал хүлээж байгаа юм даа.
Одоо яавал эрсдэл багатай өсгөх вэ гэдэг арга ухаан руу явах шаардлагатай байна. Нийгмийн даатгалын тогтолцоог үндсээр нь өөрчлөхгүй бол ялзарсан даа. Энэ том хөрөнгийг хөдөлгөх эрхийг Нийгмийн даатгалын сангийн Үндэсний зөвлөлд өгч байгаа нь харамсалтай. А.Ариунзая сайд аа, гадаадынхантай жишиж ярихдаа анхаармаар байна. Өөрийнхөө зарлагыг ярих юм. Орлогоо яриач. Ямар ч байсан иргэдэд хэрэгтэй учраас дэмжиж байна” гэлээ.
А.Сүх
Сэтгэгдэл (3)