АН-аас цаг үеийн асуудлаар мэдээлэл хийлээ.

Тус намын ЕНБ-ийн дарга Ч.Өнөрбаяр “Ардчилсан сонгууль улс төрийн намуудын хооронд тэгш, шударга өрсөлдөөн явж байж бий болдог. Харамсалтай нь, өнөөдөр улс төрийн намын хооронд ардчилсан сонгууль гэх зүйл алга болж. Үнэн чанартаа төр ба нам гэдэг сонгууль хийдэг болсон. Үүний гол нотолгоо нь төсвийн мөнгөөр сонгууль болж, төрийн бүтэц тэр чигээрээ ажилладаг ийм л сонгууль бий болсон байна. Энэ байдлаараа 2024 оны сонгуулийг шударга болно гэж ярилтгүй.

Аливаа их ялагдлын дараа АН эвлэрэл рүү явдаг. Ийм түүх бий.

Цаашид ардчиллын төлөөх намуудтай нэгдэх ёстой юм байна. Тэгэхгүй бол Монгол, МАН ба бусад гэдэг зүйл бий болжээ. Хувь хүний эрх чөлө, ардчиллын үнэт зүйлийнхээ төлөө тэмцэх болно. АН шинэ цаг үедээ нийцэж өөрчлөгдөх, улс төрийн зах зээл рүүгээ явах ёстой. Нөгөө талаас өнөөдрийн сонгуульд итгэл үнэмшлээрээ саналаа өгсөн сонгогчдод талархал илэрхийлье” гэлээ. 

Б.Лхам