Сонгуулийн Ерөнхий хорооноос Монгол Улсын Ерөнхийлөгчийн 2021 оны ээлжит сонгуулийн урьдчилсан дүнгийн талаар мэдээлж байна.

СЕХ-ны дарга П.Дэлгэрнаран “Ерөнхийлөгчийн сонгуулиар автомажуулсан системээр дүнгээ дамжуулаад араас нь бүх хэсгийн хороодод гараар тоолж, баталгаажуулах ажил өглөөг хүртэл боллоо. Гараар тоолох ажил дууссан.

Улсын хэмжээнд санал авах 2087 хэсэг мөн гадаадад суугаа иргэдийн санал гээд нийт 2088 хэсгийн хороонд гар тооллого хийлээ. Урьдчилсан байдлаар сонгогчдын ирц 59,34 хувьтай байна.

МАН-аас У.Хүрэлсүх 823,326 санал авч нийт сонгогчын 67,76 хувь, АН-аас нэр дэвшигч С.Эрдэнэ 72,832 буюу сонгогчдын 5,99 хувийн санал, “Зөв хүн электорат” эвслээс нэр дэвшигч 20,33 хувийн санал, мөн 71,937 сонгогч цагаан сонголт өгсөн байна.

Сонгуулийн бэлтгэл ажлыг хангах, санал хураалтын үед гарсан хүндрэлүүд болон бусад асуудлыг цаг хугацаанд нь засаж, шийдвэрлэж ажиллалаа. Ирсэн өргөдөл, гомдолд цаг хугацаанд нь хариу өгч ажилласан.

Санал хуралт дууссанаас хойш 10 хоногийн дотор эцсийн дүн мэдээг УИХ-д оруулах ёстой. Аль болох цаг хугацаанаас нь өмнө оруулахыг хичээж ажиллана.

Эцсийн байдлаар дүнг эцэслэхэд цаг хугацаа шаардлагатай. ” гэлээ.

А.Сүх