Баянзүрх дүүргийн XXҮI хороо, Баянмонгол хорооллын баруун талд байрлах Саруул хотхоны 500 гаруй автомашины зогсоол тэр чигтээ усанд автжээ. Зарим иргэн, оршин суугчид ажлын шаардлагаар усанд автсан зогсоолоос автомашинаа гаргасан байна.

Хоёр өдөр үргэлжлэн орсон борооны улмаас Улаанбаатар хотын хэмжээнд нүхэн гарц болон зам талбай усанд автах явдал сүүлийн өдрүүдэд тасралтгүй гарч байгаа юм. Үүний нэг нь Энхтайвны гүүрний зүүн талын нүхэн гарц бөгөөд усыг шавхах ажил хоёр дахь өдрөө үргэлжилж буй юм.

Саруул хотхоны автомашины зогсоолд тогтсон усыг соруулж эхэлсэн ч үүнд тодорхой цаг хугацаа шаардлагатай байгаа аж.