Эрүүл мэндийн яамнаас хамтдаа хичээх 10 хоногийн уриалгыг гаргалаа. Сүүлийн өдрүүдэд Ерөнхийлөгчийн сонгууль, одон медаль гардуулах зэргээр иргэдийг олноор нь цуглуулсны улмаас халдварын тоо хэт ихсэж, нас баралт буурахгүй байна. Тухайлбал, сүүлийн 24 цагт гэхэд 10 мянган хүний сорьцонд шинжилгээ хийхэд 1622 хүнээс халдвар илэрч, 8 хүн нас барлаа.

Түүнчлэн Монгол Улсад тархах чадвар өндөртэй коронавиурсний мутацлагдсан шинэ хувилбар тархаж байж болзошгүй талаар мэдээлээд буй.

Тиймээс хөл хөдөлгөөнөө багасгаж, халдвар хамгааллынхаа дэглэмийг сайтар барьж, шаардлагагүй бол гэрээсээ гарахгүй байх, ажилчдынхаа тал хувийг гэрээсээ цахимаар ажиллах боломжоор хангах зэргийг уриалж, 10 хоногийн аян зарлалаа.

А.Сүх