Сангийн сайд Б.Жавхлан цаг үеийн асуудлаар мэдээлэл өглөө.
Тэрбээр “Их, дээд сургуулиудын хавтгайрсан тусламж, санхүүжилтийг хална. Үр дүнтэй нь холбож, олгоно. Өөрөөр хэлбэл, сургуулиудын чанар, түүнийг төгссөн оюутнуудыг ажлын байраар хэрхэн хангаж, бэлтгэж байгааг шалгуур болгоно.
Мөн нийгэмд хэрэгцээ, шаардлагатай мэргэжлээр суралцаж байгаа оюутнуудад зээл тусламжийг олгоно. Түүнээс биш зөвхөн тооны хойноос хөөж, тусламж олгодог байж болохгүй.
Зээл бол санхүүжилтийн систем биш. Чанартай боловсон хүчин бэлтгэгдэж байгааг урамшуулдаг систем байх ёстой" гэлээ.
Б.Лхам
